Saturday, March 7, 2009

Evacuate




Makarundos sa pusong u melayngka su mga taw a myamakambakwit sabap ku kanggulawla saya ku inged. Katawan tanu labi den su mga taw saya sa darpa ko aya su sitwasyon u mga bakwit, su mga kangatamanan niran sa evacuation centers, su mga kawyagan iran a da iran mangadtanggit su mga wata iran a myamakanda mamangagi ago embarang-barang den.

Kna umanggay na aden pakauma a supply ganat ku mga N.G.O aden pen uto na kangaharang su mga pamakawma rkiran a supply ka anoto na kna mapya su timpo kna safe kanu mga N.G.o I tumarapas siran ku mga evacuation centers. Lagid u kyapangenggay ami sa meat supplies ku mga bakwit a piksanan kami bu malupit ko kabpembombaya u daw a partido, kyagirekan ako su kabantangyan ka gyuto pemba a makailay ako sa tidto a mga bomba a pameledto ku puro ko, uman mawlug su bumba na mana pelinog sa kabager a impact yan uged na su mga taw a ru den mababaling na mana bun normal su gyuto ba a kanggula. Ya iran bu pedtarun na "myakadsampena peman siran".

Da mapira ka minutos na tyumana peman su kangakineg ago kagedam ami a mga bumba kaya da kami den waldas sa oras na pyangilay yami den I kalyu ami ku gyuto a darpa.

Gyuto a myagedam ko na myamakapira ka minutos bu na kyagirekan ako den, ano pa kaya su mga taw a mapita magabi den na kakineg ago kagedam iran, nginpen a girek I pakauman ku mga pamusungan iran?

No comments: